অপূৰ্ব বেজবৰুৱা
 |
| অপূৰ্ব বেজবৰুৱা | |
|---|---|
 | |
| জন্ম | ১৫ অক্টোবৰ, ১৯৫১ |
| মৃত্যু | ৯ ফেব্ৰুৱাৰী, ২০২২ (৭০ বছৰ)[1] গুৱাহাটী, অসম |
| ৰাষ্ট্ৰীয়তা |  ভাৰতীয় |
| পেচা | কণ্ঠশিল্পী, কবি, গীতিকাৰ, সুৰকাৰ, সংগীত পৰিচালক |
| দাম্পত্যসঙ্গী | মনিকা বেজবৰুৱা |
| সন্তান | অৰুন্ধতী বেজবৰুৱা (কণ্ঠশিল্পী) , ইলোৰা বেজবৰুৱা |
| বঁটা, সন্মান, পুৰস্কাৰ আদি | শিল্পী বঁটা (২০২০),চাতক সন্মান (২০২১)[2] |
অপূৰ্ব বেজবৰুৱা (ইংৰাজী: Apurba Bezbaruah, জন্ম:১৫ অক্টোবৰ ১৯৫১, মৃত্যু : ৯ ফেব্ৰুৱাৰী ২০২২) অসমৰ এগৰাকী কণ্ঠশিল্পী, কবি, গীতিকাৰ, সুৰকাৰ আৰু সংগীত পৰিচালক আছিল। তেওঁক অসমৰ সংগীতৰ ক্ষেত্ৰখনৰ বিহুসুৰীয়া গীতৰ ধাৰাটোৰ বাটকটীয়া বুলি কোৱা হয়।[3] তেওঁ 'মাইজান তোকে দেখা পাই', 'তোৰে মন পাবলৈ চেনাই মই বলিয়া', 'চিলমিল টোপনিতে', 'চাহ গছৰ আঁৰত লুকাই', 'লগ দিয়া কথা আছিল নৈৰে ঘাটত', 'অ’ তৰা মাই বিহুৱান মোলৈ বৈছ’নে নাই', 'চেনাই তোৰ পেঁপাৰে মাত' আদি অলেখ কালজয়ী অসমীয়া গীতৰ স্ৰষ্টা আছিল।[1] তদুপৰি বেজবৰুৱাই প্ৰায় দুই শতাধিক অডিঅ’ কেছেটত কণ্ঠদান কৰিছিল। ২০২২ চনৰ ৮ ফেব্ৰুৱাৰী তাৰিখে মগজুৰ ষ্ট্ৰোক হোৱাৰ ফলত শিল্পীগৰাকীক সংকটজনক অৱস্থাত দিছপুৰ পলিক্লিনিকত ভৰ্তি কৰোৱা হয়। পৰৱৰ্তী দিনা সন্ধিয়া তেওঁৰ দেহাৱসান ঘটে।[1][3]
==অৱদান== * অপূর্ব বেজবৰুৱাই অসমীয়া আধুনিক সংগীতৰ ক্ষেত্ৰখনত বিহুসুৰীয়া আধুনিক গীত নামেৰে এটা নতুন ধাৰা সন্নিবিষ্ট কৰে।
- চাহ জনগোষ্ঠীয় লোক সংগীতৰ আধাৰত গীত লিখি, সুৰ কৰি আন এক সুকীয়া ধাৰাৰ সৃষ্টি কৰা প্রথমজন অসমীয়া।
- সংগীতৰ জগতখনলৈ তেওঁ এই পর্যন্ত প্রায় ২০০০ গীতৰ অৱদান আগবঢ়াইছে।
- অপূর্ব বেজবৰুৱাই ১৯৭৮-৮০ বর্ষত প্রথমটো থলুৱা বেকর্ড কোম্পানী 'NORERECO'ৰ প্ৰথমখন E.P. ৰেকৰ্ডত কণ্ঠদান কৰিছিল।
- ১৯৭৯-৮০ বর্ষত তেওঁৰ নিজস্ব প্রযোজনা, ব্যবস্থাপনা, কণ্ঠ আৰু সংগীতেৰে ৰাজ্যৰ প্ৰথমখন অসমীয়া আধুনিক বিহুসুৰীয়া অডিঅ' এলবাম 'বহু মানুহৰ স'তে চিনাকি হ'লো' জ্যোতিচিত্রবনত বাণীবদ্ধ কৰিছিল।
- কলিকতাৰ পৰিৱৰ্তে অসমতে গীত ৰেকর্ডিং কৰা প্রথমগৰাকী অসমীয়া আছিল অপূর্ব বেজবৰুৱা।
- অসমীয়া আৰু বাংলা ভাষাত নির্মিত ৰাজ্যৰ প্ৰথমখন দ্বিভাষিক বোলছবি 'অভিশপ্ত প্রেম'ৰ সংগীত পৰিচালক অপূর্ব বেজবৰুৱা। ছবিখনৰ দুয়োটা সংস্কৰণৰ গীতৰ ৰচনা আৰু সুৰো আছিল তেখেতৰ।
- শিল্পীগৰাকীয়ে কণ্ঠদান কৰা বহু গীতৰ মাজৰ পৰা ৯০টা গীত সংগ্ৰহ কৰি 'কপৌপাহি তোৰে খোপাত' শীর্ষক এটি এম পি-থ্রি এলবাম শ্ৰোতাৰ মাজলৈ আগবঢ়াই দিয়া হৈছে।|}